Kheyre oo mamnuucay xil ka qaadis lagu sameeyo mas’uuliyiinta qaarkood

By Asad Cabdullahi Mataan

Muqdisho (Caasimada Online) – Ra’isul wasaaraha Somalia Xasan Cali Kheyre ayaa Warqad kasoo baxday Xafiiskiisa ku mamnuucay xil ka qaadis lagu sameeyo Agaasimayaasha Guud iyo Xoghayaasha Joogtada ah ee Wasaradaha iyo Hay’adaha JFS.

Ra’isul wasaare Kheyre waxa uu qoraalkiisa ku mamnuucay in xil ka qaadis lagu sameeyo Agaasime iyadoo aan lagala tashan xil ka qaadista Agaasima waliba oo xil u haya Qaranka.

Qoraalka tiinbareysan ee ka soo baxday Xafiiska Ra’iisul Wasaaraha oo ku taariikheysneyd 16-kii bishan ayaa lagu amray Wasiirada in ay kala tashtaan ra’iisul wasaaraha tallaabada anshax marinta ah.

Qaar ka mid ah Wasiirada dowlada federalka ayaa hore shaqo joojin ugu sameeyay Agaasimayaasha Guud iyo Xoghayeyaasha Guud, taasoo ka dhalata khilaaf iyo is qabqabsi ku aadan qaabka shaqo joojinta loogu sameeyo.