Madaxweynaha Eritrea oo 28 sano kadib booqanaya dalka Ethiopia kadib marki..

Muqdisho (Caasimada Online) – Madaxweynaha dalka Eritrea, Isaias Afwerki ayaa lagu wadaa in maalinta sabtida ah uu booqdo magaalada Addis ababa ee xarunta dalka Ethiopia.

Isaias Afwerki, oo muddo dheer heysta xilka ayaa booqashadii ugu danbeysay ee uu ku tago dalka Ethiopia aheyd sannadkii1996-kii.

Sida ay qortay wakaalada AP booqashada Madaxweyne Isaias Afwerki uu ku tagi doono dalka Ethiopia ayaa noqoneysa tallaabadii ugu dambeysay ee dadaalka Diplomaasiyadeed ee lagu hagaajinayo Xiriirka labadaasi dal.

Yemane Gebremeskel oo ah Wasiirka Warfaafinta dalka Eritrea, ayaa bartiisa Twitter-ka ku qoray in Madaxweyne Isaias Afwerki uu booqasho ku tegayo dalka Ethiopia.

Asbuucii tagay ayey aheyd markii Ra’isul wasaaraha Ethiopia Abiy Axmed uu booqasho maalmo qaatay ku tagay Caasimadda dalka Eritrea ee Asmara.

Dhinaca kale, Booqashooyinka ay is dhaafsanayaan labada dal ayaa albaabada u furtay Xiriirka Diplomasiyadeed oo labadaasi dal oo uu horey u dhex maray dagaal socday muddo 2 sanno, kuna geeriyoodeen 80,000 oo qof .

Source:  AP

Caasimada Online

Xafiiska Muqdisho

Caasimada@live.com