Maxaa kasoo baxay kulankii ugu horeeyey ee Farmaaji iyo Xaaf?

Muqdisho (Caasimada Online) – Wararka naga soo gaaraya magaalada Muqdisho ayaa sheegaya in kulan gaar ah uu dhex maray madaxweynaha Soomaaliya iyo madaxweynaha cusub ee Galmudug.

Kulankaasi ayaa wuxuu ka dhacay xarunta madaxtooyada Soomaaliya waxaana yeeshay Madaxweyne Maxamed Cabdulaahi Farmaajo iyo wafdi uu hogaaminayay madaxweynaha Galmudug Axmed Ducaale Geelle Xaaf.

Kulanka ayaa waxaa diirada lagu saaray sidii wada shaqeyn dhab ah u dhexmari laheyd maamulka cusub ee Galmudug iyo dowladda Federaalka Soomaaliya ee uu hogaamiyo Maxamed Cabdulaahi Farmaajo.

Waxyaabaha kale ee shirkaasi looga hadlay waxaa kamid ah shirka ka furmaya magaalada London ee dalka Ingiriiska kaasi oo u dhaxeeya dowladda Soomaaliya iyo wadamada beesha caalamka.

Kulankaasi waxaa shir guddoominaya madaxweynaha Soomaaliya, ra’iisul wasaaraha Ingiriiska iyo xoghayaha guud ee Qaramada Midoobay oo dhamaantood ku wada cusub xilalka ay hayaan.

Wararka cayaaraha kala soco WWW.GOOL.NET