Maxaa keenay inay Nigeria shacabkeeda uga digto inay u safraan dalka Mareekanka?

By Asad Cabdullahi Mataan

Abuja (caasimada Online) – Dowladda Nigeria ayaa jawaab cad ka bixisay xarigii loogu geystay mareekanka dad wadankeeda u dhashay oo watay dal ku gal sax ah.

Dadkaas kasoo jeeday Nigeria ayaa la sheegay in lagu xiray garoomada diyaaradaha xilli ay damacsanayeen inay gudaha u galaan dalka Mareekanka.

Abike Dabiri-Erewa wuxuu waxay madax ka tahay xafiiska la taliyaha madaxweynaha Nigeria u qaabilsan Arrimaha dibadda isaga ayaan digniintaan soo saaray.

“ Waxaa dalka dib loogu soo celiyey isbuucyadii lasoo dhaafay dad u dhashay Nigeria oo dalka mareekanka ku galay dal ku gal sax ah” ayaa lagu yiri qoraal kooban oo kasoo baxay xafiiskaas.

“ Dadkaas oo dhan waxaa lagala noqday dal ku galkii ay wateen waxaan lasoo saaray diyaaradihii ugu dhawaa ee Nigeria usoo socday” ayaa la raacsiiyey.

“ Ilaa hadda Mareekanka nooma sheegi sababta rasmiga ah oo ay sidaas ku dhacday oo dadkooda loogu diiday inay galaan USA”. Ayey tiri Dadbiri- Erewa.

“ Waxaan dadka kasoo jeedo Nigeria amreynaa inaysan u dhoofin dalka Mareekanka ilaa ay warbixin cad kasoo saaraan sababta ay arrintaan u sameeyeen” ayaa hadalka lagu soo gabagabeeyey.

Caasimada Online
Xafiiska Abuja
caasimada@live.com