Muqdisho (Caasimada Online) –Â Maamulka Somaliland ayaa lagu wadaa in maanta ay Dekadda Magaalada Berbera ku wareejiso shirkada DP-world ee laga leeyahay dalka Imaaraadka Carabta.
Madaxda Maamulka ayaa gaaraya magaalada Berbera si maamulka shirkada iyo kan deegaanka u wada koontaroolan Dekadda isla markaana ay u dhacdo xil wareejinta.
Dekadda magaalada Berbera ayaa waxaa wareejin doona Hogaamiyaha maamulka Somaliland Axmed Maxamed Maxamuud Siilaanyo, waxaana goobjoog ka noqon doona mas’uuliyiin ka socda dalka Imaaraadka carabta.
Shirkadda DP-world oo laga leeyahay dalka Imaaraadka ayaa dhowr sano loo saxiixay inay maamusho Dekadda Berbera, waxa uuna heshiisku yahay in shirkadu ay dayactir ku sameyso Dekadda.
Shirkadda DP-world, ayaa sidoo kale la wareegtay Shaqaalaha ka howlgala Dekadda, waxaana jiri doonta qaadashada shaqaale dheeri ah.
Geesta kale, dayactirka Dekadda magaalada Berbera ayaa qaadan doonta muddo ku dhan 24 bil.