Maxkamadda G/Banaadir oo go’aan ka gaartay kiiska musuq-musuqa ee wasiir ku xigeenka A/Dibadda

Asad Cabdullahi MataanBy Asad Cabdullahi Mataan

Muqdisho (Caasimada Online) – Maxkamadda gobolka Banaadir ayaa go’aan ka gaartay kiiskii loo heystay wasiir ku xigeenka arrimaha dibadda Xukuumadda Soomaaliya Mukhtaar Mahad Daa’uud oo muddo soo socday.

Wasiir ku xigeenka Arrimaha Dibadda Xukuumadda Soomaaliya ayaa loo heystay Afartan Qodob oo kala ah:-

1-Ku xadgudub Xatooyo Xoolo Dadweyne

2-Ku xad gudub awood xafiiseed

3-Ku daneysi shaqsiyadeed howlo Xafiiseed iyo diidid howlo Xafiiseed.

4-Ku xadgudub xafiiska Wasiirka Arrimaha Dibadda

Maxkamadda Gobolka Banaadir ayaa shaacisay in wax dambi ah lagu waayay wasiir ku xigeenka Xukuumadda Soomaaliya.

Hanti Dhowraha guud ee Qaranka Maxamed Maxamuud Cali (Afgooye) ayaa horey sheegay in baarista Kiiska Wasiir Muqtaar ay soo bilaabatay Bilowgii Bishii April, taasoo ka dhigan iney soo socotay mudo 4 bil ah.

Caasimada Online
Xafiiska Muqdisho
Caasimada@live.com