Mourinho: Nasiino ma qaadan doono hadii aan ka tago Real.

Tababaraha kooxda Real Madrid Jose Mourinho ayaa sheegay inuusan qorsheyneyn inuu ka nasto kubada cagta marka uu ka tago kooxdiisa Real Madrid.

Warar la isla dhex maraayey ayaa sheegaya inuu macalinka reer Portugal kooxda heysata Horyaalka La Liga ka tegaayo dhamaadka xilli ciyaareedka laakiin waxay u muuqataa mid soo dhowaatay, iyadoo lala xiriirinaayo midkood kooxaha Manchester City ama Paris Saint-Germain.

Laakiin tababarihii hore ee Porto,Chelsea iyo Inter ayaa sheegay markii uu ka tago Santiago Bernabeu, inuu si toos ah ugu laaban doono shaqada tababarenimo.

“Hadii aan tago, hal sano nasiino ma qaadan doono,” ayuu Mourinho u sheegay saxaafada.

“Hadii aanan halkaan [Madrid] ka shaqeyn, markaas waxaan ka shaqeyn doonaa meel kale. Miyaan tababare ka noqon doonaaEngland? Meel kasta ayaan tababare ka noqon doonaa, waxaa macquul ah xittaa inaan ka noqdo  Netherlands.”

Madrid ayaa hugaanka La Liga, waxay 11 dhibcood ka dambeysaa kooxda Barcelona, iyadoo sidoo kale shan dhibcood u qada kooxda ay isku magaalada yihiin Atletico Madrid.

Waxaa Qoray: Ahmed Jaangoan

E-mail: jangoan@hotmail.com

Caasimada Mogadishu