Benitez oo u tacsiyeeyey Chelsea ka dib markii ay ka hartay UCL.

Tababaraha KMG ah ee Chelsea  Rafael Benitez ayaa ka hadlay wixii dhacay ka dib markii ay Blues 6-1 ku dardartay Nordsjaelland, inkastoo ay noqotay kooxdii ugu horeysay ee iyadoo Champions League difaacaneysa ku harta wareega Group-yada.

Iyagoo isha ku haayey inay Shakhtar Donetsk guul ka gaarto Juventus si ay ugu soo baxaan wareega 16ka, taas bedelkeeda ayaa noqotay inay dhanka kale isku rogtay wixii ay filayeen ka dib  markii kooxda heysata Serie A, ay 1-0 ku quusisay kooxda Ukraine.

Balse Benitez ayaa amaanay guushii kooxdiisa, iyadoo kooxda ka dhisan Galbeedka London ay si aan caadi aheyn xasuuqday kooxda Denmark, halka ay sanada cusub iska xaadiri doonto koobka labaad ee Europa League.

“Waxaan u maleynayaa markii aad guuleysato waa fiican tahay. Markii ay gurigaada tahay wayba kasii wanaagsan tahay,” ayuu tababaraha reer Spain u shgeegay Sky Sports.

“Wadadii aan ku guuleysanay, 32 mar ayaan goolka tagnay inagoo 18 mar tooganay goosha, run ahaantii waa wax fiican.

“Markii aad guul gaarto waad ku faraxsan tahay laakiin si la mid ah waan niyad jabnay sidii inagoo aan horumar sameyn. Ugu yaraan waxan soo bandhignay heerka iyo tayadeena nalooga baahnaa.

“Hada waa inaan ka fikirmaa kulanka sabtida ee Sunderland iyo Europa League. laakiin kulanku aad ayuu u fiicnaa waxaan arki karnaa wax wanaagsan oo mustaqbalka ah. Si wanaagsan ayaan u ciyaarnay, fursado ayaan abuurnay iyo goolal badan oo aan dhalinay.”

Waxaa Qoray: Ahmed Jaangoan

E-mail: jangoan@hotmail.com

Caasimada Mogadishu.