Bacary Sagna ayaa qarka u saaran inuu noqdo ciyaaryahanka ka taga kooxda Arsenal, sida uu qoray wargeyska Daily Mail.
Daafaca dadabka midig ee dalka Faransiiska ayaa ka carooday dalab ay Gunners usoo bandhigtay oo ahaa inuu qandaraaskiisa ku kordhiyo 12 bilood iyadoo uu qandaraaskiisa hada ee kooxda dhamaanayo 2014. wuxuu u sheegay ciyaartoyda ay isku kooxda yihiin inuu rajeynayo inuu kooxda ka dhaqaaqo dhamaadka xilli ciyaareedka.
Arsenal ayaa diiday inay ciyaaryahanka u kordhiso mushaarkiisa oo haatan ah 60 kun isbuucii. Iyadoo uu markaas difaacu saxiixayo heshiis weyn ookamadambeys ah, wuxuu 30 jir noqonayaa bisha Febraayo, xilli ay ku beegan tahay markii mushaarkiisa kor loo qaadi lahaa.
Gunners ayaa go’aankaan kaartay iyadoo aysan xidiga ka dalban heshiis waqti dheer ah maadaama uu hal sano gudaheed labada lug ka jabay.
Sagna ayaa ka careysiiyey tababaraha Arsenal Wenger ka dib markii uu saxaafada u sheegay sida uu uga xun yahay in kooxda iska iibiso Robin van Persie iyo Alex Song intii xagaaga lagu jiray.
Dhanka kale Theo Walcott ayaa u sheegay Arsenal inuusan saxiixi doonin heshiis shan sano ah oo uu isbuucii ku qaadanayo 75 kun oo ginni.
Waxaa Qoray: Ahmed Jaangoan
E-mail: jangoan@hotmail.com
Caasimada — Mogadishu.
