Tababaraha kooxda Arsenal Arsene Wenger ayaa doonaya inuu Thiery Henry usoo celiyo kooxda Gunners inta ka dhiman xilli ciyaareedka.
Kooxda ka dhisan waqooyigaLondonayaa isku afgaratay inay lix isbuuc oo ka bilaabata bisha soo aadan Henry kasoo qaadato kooxdiisa New York Red Bulls.
Laakiin Wenger ayaa doonaya inuu fursadaan kusii heysto ilaa bisha May, maadaama ay Arsenal xaalad Qatar ah ku jirto.
35-jirkaan, ayaa si aad ah u dadaalay xilli uu 32 gool dhaliyey 61 kulan oo uu u saftay Red Bulls, tan iyo markii uu Mareykanka u dhaqaaqay 2010.
Henry ayaa ah ciyaaryahanka ugu goolasha badan kooxda Gunners 226 gool ayuuna u dhaliyey sideed sano oo uu xirnaa maaliyadooda, isagoo ka hayaamay 2007dii, todobo kulan ayuuse kusoo laabtay sanadii hore isagoo kooxda sedax maalin tababarka la qaatay isbuucii lasoo dhaafay.
Ilo ku dhow Emirates ayaa u sheegay The Sun, in ninka Faransiiska kula guuleystay Koobka aduunka uu fikradiisa ah inuu kooxda lasii joogo inta ka dhiman xilli ciyaareedkaan ka dhaadhicinaayo si uu ugu soo laabto Premier League.
Waxaa Qoray: Ahmed Jaangoan
E-mail: jangoan@hotmail.com
Caasimada — Mogadishu.
