Muungaab & wafdi uu hoggaaminayo oo Xamar ka duulay (Xagee aadeen?)

By Asad Cabdullahi Mataan

Muqdisho (Caasimada Online) – Magaalada Muqdisho waxaa maanta oo Arbaca ah ka ambabaxay wafdi ballaaran oo uu hoggaaminaayo guddoomiyaha gobalka Banaadir ahna duqa Muqdisho, Xasan Xuseen Muungaab.

Afhayeenka maamulka gobalka Banaadir, Cali Seeko oo warbaahinta la hadlay ayaa sheegay in duqa Muqdisho uu u ambabaxay waddamo Yurub ku yaalla.

Wuxuu sheegay oo kale in uu casuumaad ka helay waddamada Sweden, Italy iyo Turkiga sidoo kale inta halkaas uu joogo uu la kulmi doono jaaliyadda Soomaalida ee dalalkaas ku dhaqan.

Afhayeenka maamulka gobalka Banaadir ayaa xusay in duqa Muqdisho wax yaabaha uu kala soo hadli doono madaxda iyo jaaliyadda Soomaalida ee ku dhaqan waddamada uu tagaayo siddii lo taageeri lahaa howgallaha maamulka gobalka Banaadir uu ka wado Muqdisho iyo siddii jaaliyadda Soomaaliya ee qurbaha ay arrintaas door uga qaadan lahayd.

Guddoomiyaha gobalka Banaadir ayaa dhawaan wuxuu magaalada Muqdisho ka hirgaliyay mashruuc iskaa wax u qabso ah kaasoo lagu dhisaayo xaruntii hore ee gobalka Gobalka Banaadir Visha Governo.

Waa markii ugu horreysay oo duqa Muqdisho uu u ambabaxo waddamada Swden iyo Italia in kastoo uu horrey u tagay dalka Turkiga gaar ahaan magaalada Ankara.

Caasimada Online

Xafiiska Wararka Muqdisho

Caasimada@live.com