Maxaa looga hadlay kulankii dhex maray R/W Kheyre iyo Safiirka Jarmalka ?

By Asad Cabdullahi Mataan

Muqdisho (Caasimada Online) – Ra’isulwasaaraha Soomaaliy Xasan Cali Kheyre ayaa bartiisa Twitterka wuxuu soo dhigay qoraal sawiro iyo qoraal uu ku sheegay inuu maanta kulan la yeeshay Safiirka dowladda Germany u fadhiyo Soomaaliya.

Ra’isulwasaaraha ayaa sheegay inuu safiirka kala hadlay sidii ay dowladiisa uga qeyb qaadan laheyd gurmad soo sameenayo dadka ay abaarta ku dhufatay ee ku nool gobolada Soomaaliya.

Safiirka Germany oo ah haweeney  lagu magacaabo Jutta Frasch ayaa Kheyre u ballan qaaday inay dowladda Germany tallabo fiican u qaado doonto dhanka u gurmadka shacabka ku dhibaateysay Gobolada qaar.

Dhanka kale labadaan mas’uul ayaa iska wareystay xaaladda siyaasadeed oo ay gashay Soomaaliya waxayna safiirka sheegtay inay si weyn usoo dhaweeneyso dowladda cusub.

Sidoo kale labada dowladood ayaa ku heshiiyey in xiriirka u dhaxeeyo la kordhiyo isla markaasna Germany ay mashaariic ka fuliso Soomaaliya, waxaana arrintaas si weyn usoo dhaweeyey Ra’isulwasaaraha.

Qoraalkii uu madaxweynaha soo dhigay bartiisa Twitterka ayaa sidaan u qorneyd

Caasimada Online
Xafiiska Muqdisho
Caasimada@live.com