Nin hubeysan oo maanta dad ku laayay Laascaanood

Laascaanood (Caasimada Online) ― Warka aanu ka helayno magaalada Laascaanood ee gobolka Sool ayaa sheegaya in magaaladaasi uu nin hubaysan ku dilay Askari ka tirsan ciidamada Somaliland, halka qof kale oo shicib ahna uu ku dhaawacay.

Askariga la toogtay ayaa waxa uu muran adag dhexmaray Ninka hubeysan ee falka geystay, kaasi oo rasaas ku furay Askariga, iyadoona uu falkaasi uu dhaawac ka soo gaaray qofka shacabka ah oo isagu ku sugnaa meel ka ag dhow halka uu falka ka geystay ninkaasi hubeysna, sida ay sheegen dad goob-joogayaal ah.

Waxa sidoo kale soo baxaya warar kale oo iyagana sheegaya in Ninka hubeysan ee dilka iyo dhaawaca ka geystay magaalada Laascaanood uu isagu ka tirsanaa ciidamada Somaliland ee ku sugan magaaladaasi.

Ninkan dilka geystay ayaa waxa lagu soo waramayaa in uu goobta ka baxsaday kadib markii uu geystay dilkaasi, inkasta oo ay saraakiil ka tirsan ciidamada Somaliland ay sheegen inay ku daba jiraan ninkaasi hubeysan ee ka dambeeyay dilka Askariga ka tirsan ciidamadooda.

Caasimada Online
Xafiiska Hargeysa
Caasimada@live.com