Dhuusamareeb (Caasimada Online) – Qaar ka mid ah musharraxiinta u taagan hoggaanka sare ee dowlad goboleedka Galmudug ayaa maanta ka hadlay khilaafka ka taagan dhismaha guddiga farsamada doorashada iyo khilaafaadka maamulkaasi.
Musharraxiinta Cabdiraxmaan Maxamed Xuseen (Odowaa ) iyo Kamaal Daahir Xasan (Guutaale) ayaa si wadajir war uga soo saaray khilaafka ragaadiyey guddigaasi.
Ugu horreyn musharraxiinta ayaa shaaciyey in khilaafkani uu saameyey soo xulista xildhibaanada baarlamaanka labaad ee Galmudug iyo doorashada maamulkaasi.
Sidoo kale waxa ay ka digeen kala jeedasho geedi socodka howlaha doorashada, maadaama laba guddi looga kala dhawaaqay Dhuusamareeb iyo Muqdisho.
Waxa kale oo musharraxiinta Odowaa iyo Gutaale ay sheegeen in loo baahan yahay xilkasnimo, talo wadaag iyo isku garaabid saldhig u noqon kara maamul mid ah.
Ugu dambeyn waxa ay ugu baaqeen beesha caalamka inay muujiso aragtideeda ku aadan sidii loo heli lahaa hanaan loo dhan yahay oo quseeya dhismaha Galmudug.
Hadalkan ayaa ku soo aadaya, iyadoo maanta guddiga farsamada ee ay magacowday dowladda dhexe oo ka kooban 13 xunood uu gaaray Dhuusamareeb, halka magaaladaasi ay dhowaan Ahlu Sunna uga dhawaaqaday guddi kale oo isna ka kooban 11 xubnood.
Halkan hoose ka aqriso:
