Boosaaso (Caasimada Online)- Wareysi madaxweynaha maamulka Puntland C/welli Maxamed Cali uu siiyay wargeys kasoo baxa magaalada Boosaaso ayuu ku sheegay in maamulkiisa u furan tahay seddex waddo oo jawaab u noqonaya go’aanka shirkii kusoo dhamaaday Muqdisho ee looga hadlayay doorashada Soomaaliya ka dhaceyso dhamaadka sanadkan.
Go’aanada ayaa waxaa ugu weynaa iney u furan tahay ka go’itaanka Soomaaliya inteeda kale, maadaama aan la dhageysan dalabka iyo fikrada ay aamisan yihiin shacabka kumanaanka gaaraya ee kunool Puntland.
Waddooyinka u furan Puntland oo seddex gaaraya ayaa waxaa kamid ah:-
1 Inay Diido Qorshaha ay Wadaan Beesha Caalamka oo ay ka hortimaado Barnaamijkaas oo dhan.
2 Inay yeesho oo ay Gorgortan ka gasho.
3 Iyo inay ka Go’do Soomaaliya.
Madaxweyne Gaas ayaa cadaadis xoogan kala kulmaya wadamada beesha caalamka ee daneeya arimaha Soomaaliya, waxaana mar la weydiiyay culeeska IGAD, AMISOM & QM uu kala kulmayo uu sheegay ineysan taasi dhaceynin.
Madaxweyne Gaas ayaa kasoo horjeeda nidaamka 4.5 oo lagu soo xulayo aqalka hoose ee baarlamaanka imaanaya dhamaadka sanadkaan.
Caasimada Online
Xafiiska Boosaaso
Caasimada@live.com
