Beledweyne (Caasimada Online) – Warar dheeraad ah ayaa kasoo baxaya qarax miino oo duhurnimadii maanta ka dhacay magaalada Beledadweyne ee xarunta gobolka Hiiraan.
Goobjoogayaal ayaa wax ay sheegeen in qaraxa la dhigay meel aan ka fogeen saldhiga Beledweyne, halkaasi oo uu ku qarxay.
Wararka ayaa sidoo kale sheegaya inuu jiray qarax kale oo ciidamada booliska magaalada Beledweyne ay fashiliyeen.
Saraakiil ka tirsan ciidamada booliska ayaa sheegay in qarax kale la dhigay waddada aada saldhigga ee bartamaha Beledweyne la dhigay, balse ay ciidamada ka warheleen kuna guuleysteen inay fur furaan.
Saraakiisha ayaa rumeysan in qorshuhu ahaa dhowr qarax oo mar qura magaalada laga fuliyo, oo dad badan lagu laayo.
Howlgal ay sameeyeen ciidamada ayaa sidoo kale waxa ay kusoo qabteen ilaa qof ruux oo looga shakiyay inay ku lug lahaayeen qaraxaas, kuwaas oo lagu xiray saldhigda magaalada.
Wararkii u dambeeyey ee naga soo gaaraya Beledweyne ayaa waxa ay sheegayaan in xaaladu ay tahay mid degan, islamarkaana isu-socodka dadka iyo goobaha ganacsiga ay mid caadi ah kusoo noqotay, kadib markii ay istaageen markii uu qaraxa dhacay.
Caasimada Online
Xafiiska Muqdisho
caasimada@live.com
