Muqdisho (Caasimada online) Warbixin ay soo saartay Qaramada Midoobay ayaa waxay ku sheegtay inka badan 100-Qof laga cabsi qabo inay ku dhinteen Duufaanta ku dhufatay Deegaanada Maamulka Puntland.
Warbixinta ayaa intaasi waxay ku dareysaa in dadka la la’yahay iyo kuwa Duufaanta ku dhintay aan xisaab lahayn,iyagoona sidoo kale sheegay in gabi ahaanba deegaanada Duufaanta ku dhufatay isgaarsiintii iyo wadooyinkii ay ka jarmeen,waxaana dadkaasi ku tilmaameen waxa kaliya ere hada u baahan yihiin ay tahay gargaar bini-adanimo oo deg deg ah.
Qaramada Midoobay ayaa beesha caalamka ka dalbaday in kaalmo bini-adanimo oo aan kala har lahayn la gaarsiiyo Shacabkii dhibaatada ka soo gaartay roobabka dabeylaha wada ee ku dhufatay Deegaanada Puntland gaar ahaan Degmooyinka Bardanbeyle iyo Eyl.
iyadoo loo eegayo warbixinta Qaramada Midoobay dad lagu qiyaasay 30,000 ayaa hada ku sugan xaalad Cunto la’aan,Biyo la’aan iyo waliba Hooyo la’aan.
Maamulka Puntland ayaa ku dhawaaqay xaalada deg deg ah, Gargaarna weydiistay Beesha caalamka.
Dadaalo loogu gurmanayo dadkaasi dhibaatada soo gaartay ayaa ka soconaya dalka Soomaaliya iyo dibadiisa,taasi oo ay wadaan Maamul Goboleeyada iyo Dowlada Dhexe.
Caasimada online
Xafiiska Muqdisho