R/W Kheyre oo magacaabay guddi cusub (Maxay qabanayaan)

By Asad Cabdullahi Mataan

Muqdisho (Caasimada Online) – Ra’iisul wasaaraha Soomaaliya Xasan Cali Kheyre ayaa magacaabay guddi cusub oo ka shaqeynaya baritaanka waxyeeladii ka dhalatay qaraxii shalay ka dhacay agagaarka tiyaatarka qaranka.

Sababta ka dambeysay magacaabida gudigaasi ayuu ra’iisul wasaaraha ku sheegay inay tahay in la ogaado waxyeelada ka dhalatay qaraxa iyo shacabka dhibaatada soo gaartay.

Ra’iisul wasaaraha ayaa xalay booqday dadka ku dhaawacmay qaraxa ka dhacay meel aan ka fogeyn madaxtooyada Soomaaliya, wuxuuna u rajeeyay inay caafimaadaan isagoo ka tacsiyeeyay dadkii dhintay.

Qaraxii shalay ayaa sababay dhimashada inka  badan shan ruux iyo dhaawac intaasi ka badan, waxaana dadka waxyeelada soo gaartay ay u badan yihiin dad rayid ah.

Qaraxaasi oo aad u xooganaa ayaa ah mid loo adeegsaday gaari homey ah oo waxyaabaha qarxa laga buuxiyay.

Caasimada Online
Xafiiska Muqdisho
Caasimada@live.com