Sideed arrin oo laga sugayo xukuumada cusub ee Somalia

By Asad Cabdullahi Mataan

Muqdisho (Caasimada Online) – Ra’isal wasaaraha Xukuumada Somalia Xasan Kheyre ayaa maalinimadii shalay ku dhawaaqay Golaha Wasiirada Xukuumada Somalia.

Ra’isul wasaare Kheyre ayaa xubnaha Golaha Wasiirada ka dalbaday inay u shaqeeyan si hufnaan leh, waxa uuna kaga digay inay saaxiib u noqdaan musuq iyo eex.

Wasiirada cusub ayaa waxaa kamid ah Xildhibaano ka tirsan BFS, kuwaa oo isugu jira kuwo saaxiib la ah Madaxweynaha iyo kuwo qaabab kale kusoo galay liiska.

Wasiirada cusub ee Xukuumada Somalia ayaa waxaa horyaal caqabado badan iyo talaabooyin laga sugaayo fulintooda ansixinta kadib.

Howlaha ugu horeeya ee Wasiirada laga doonaayo inay qabtaan ayaa waxaa kamid ah:

1-In Xildhibaanada BFS ay weydiistaan kalsoonida.

2-Wax ka qabashadda iyo sameynta gurmad lagu qaboojinaayo abaaraha ka jira dalka.

3-Da jinta dajwalka shaqooyinka Wasaaradahooda.

4-Dib u geegista miisaaniyadda DFS ee sanadkii hore lagu celiyay Wasiirkii hore ee Maaliyadda Mudane Fargeetti.

5-Dib u eegida xaaladdaha amniga dalka iyo wanaajinta xiriirka maamul Gobolleedyadda dalka.

6-Ballan qaadida in ciidamada Soomaaliya iyo shaqaalaha dawlada mushaaraatkooda ay bixiyaan.

7-Dowladd aan xiriir la lahayn shacbigeeda, waxay lamid tahay caruur aanan xiriir la lahayn waalidkood, in ay sameeyaan Xafiiska Xiriirka Dadweynaha.

Wasiirada Xukuumada Somalia ayaa sidoo kale laga doonayaa in kalsooni ay ka dhex abuuran Dowlada iyo Shacabka Soomaaliyeed oo aan iminka u dhexeyn wanaag heer wanaagsan gaarsiisan.

Madaxweynaha Somalia Maxamed C/llahi Farmaajo iyo Ra’isul wasaaraha Xukuumada Somalia ayaa si siman u sheegay in Golaha Wasiirada ay fulin doonaan amarka loo soo jeediyo.

Waxa ay sheegen inay jiraan caqabado badan oo horyaal Wasiirada, balse waxa ay tilmaameen in caqabad waliba lagu jaan goyn doono sharciga.

Si kastaba ha ahaatee, Wasiirada cusub ee xukuumada Somalia ayaa la saadaalinayaa inay ku adkaan doonto fulinta dhammaan qodobada kor ku xusan.

Caasimada Online
Xafiiska Muqdisho
Caasimada@live.com