Muqdisho (Caasimada Online) – Agaasimaha Hay’adda Sirdoonka iyo Nabad-sugidda Qaranka ee NISA, Cabdullaahi Maxamed Cali Sanbaloolshe ayaa kulan muhiim ah la qaatay Saraakiisha Ciidanka Xoogga Dalka Soomaaliyeed iyo Xaq-u-Dirirka deegaanka.
Kulankan ayaa waxaa diiradda lagu saaray dardar-gelinta amniga iyo howl-galada ka dhanka ah kooxda Al-Shabaab ee ka socda deegaanada gobolka Hiiraan.
Kulanka oo ka dhacay degmada Moqokori ayaa lagu falanqeeyey sidii kor loogu qaadi lahaa wada-shaqeynta hay’adaha ammaanka, ciidamada qalabka sida iyo bulshada deegaanka, si loo xaqiijiyo guulo waaweyn oo ka dhan ah kooxda Al-Shabaab.
Masuuliyiinta kulanka ka qeyb-galay ayaa isla qiray muhiimadda ay leedahay in si isku duuban looga hortago Shabaab, lagana xoreeyo deegaannada ay weli ku sugan yihiin.
Kulankan ayaa ku soo aadaya xilli ay Dowladda Federaalka Soomaaliya xoojineyso dagaalka Al-Shabaab, si loo dardar-galiyo howl-gallada ka dhanka ah kooxda. Taliyaha NISA ayaa haatan dadaal badan ku bixinaya howl-gallada socda.
Hiiraan iyo Shabeellaha Dhexe ayaa waxaa haatan ka soconayo dagaallo qaraar oo ka dhan ah kooxda Al-Shabaab, kuwaas oo ujeedkoodu yahay in lagu ciribtiro kooxda.
Dagaalkii ugu khasaaraha badnaa oo maalin kahor ka dhacay soohdinta labada gobol ayaa waxaa lagu laayay Shabaabkii ugu badnaa, waxaana muuqaalo laga soo duubay meydadkooda oo daadsan dhulka howdka, dhiigooda oo meel kasta yaalla iyo godadkii ay qoteen oo laga saaray
