Fiid Khamiiseed ayeey ahayd markii aniga laba dhalinyro ah oo saaxiibaday ah aanu Xaafadda Warta Nabadda meel Geedka garan waaga ah dhexdiisa aanu ka maqalnay Oohinta ilma yar oo codkiisu sii nuxuusayo maadaama uu waqti badan yaalay meesha.
Waanu istaagay kadibna waxaanu u leexanay dhanka geedaha waxaanu aragnay ilmo yar oo Ku dhex jira qodxaha Geedka jirkiisana meel walba qodxo Ka taagan yihiin, argagax aanu qadnay kadib waxaan bilaabay inaan ilmaha soo qaado qodxahana ka gyro Isla markaasna waxaan u wacday gabar ila dhalatay oo kalkaaliso caafimaad ah ayada ayaa gar gaar deg Deg ah u samaysay ilaahayna waa bad baadiyey waa ayadaas sawirkeeda aad aragtaan gabadhii yarayd ee aan Qashinka qubka ka soo qaaday.
Hadda waxay jirtaa Ku Dhowaad Sanad waxayna ahayd mid aanu wada noolnahay maxaa yeelay waxaa Gacanta ku haysay oo korinaysay cunugtaan yar Gabar walashay ah anigana waxay ii ahayd mid aan iiga duwanayn ilmo aan dhalay maalinkii saddex jeer waan booaan Jiray Habeenkiina ma ay seexan Jiray ilaa aan ciyaarsiiyo, Hooyo iyo aabbe kale mataqaan aan ahayn aniga iyo walaashayda gacanta ku haysay.
Habeenkii aan soo qaaday subaxeedii waxaan geeyey oo Warqad kasoo qortay maxkamadda, Saldhigga iyo Degmada Warta Nabadda, warqadaas oo ah mid cadaynaysa inaan cunugtaan helay Isla markaasna aan korsan Karo la Ilana ogaado kadibna aan xaq uleeyahay masuuliyadeeda iyo koriimadeeda, hadda Usbuucii lasoo dhaafay Waxaa dacwad Naga dhaxaysaa islaan sheeganaysa inay dhashay cunugtaan iyo anaga Waana markii afraad aan maxkamadda Gobolka Banaadir Isla tagno.
Sida Sharcigu qabo inaan Ku Kala baxno oo aan ku wareejiyo haddii ay sax tahay Ayaan rajaynayaa, Maanta waxaan kajeclahay malahan in aniga La I yiraahdo adaa korsanaya ee hayso cunugtaada maxaa yeelay Silicii iyo Calool xumadii Habeenkii aan Geed yuhuudeedka qodxihiisa ka gurayey ayaa ii muuqda Mar walba, Maalinka Khamiista ayaa balantii ugu danbaysay ee Kala baxa maxkaddu ku dhawaaqaysaa si shareecadda islaamka waafaqsan.
Fikirkaaga Ka dhiibo maxaa ku talin lahayd? Yeey kula tahay in loo xukumo Korinta iyo masuuliyadda miskiintaan Qashinka loo quuray?
Waxaa Diyaariyay: Bashiir Cilmi
