Muqdisho (Caasimada Online)-Boqolaal shacab ah ayaa maanta baanbaxyo ka hordhigay afafka hore ee Xarunta Baarlamaanka Somalia xili halkaasi uu kulan uga socday Xildhibaanada BFS, Madaxweynaha iyo Ra’isul wasaaraha dalka.
Banaanbaxa ayaa waxaa dhigaayay dadka ku nool Gobolka Banaadir oo laga soo kala xulay Degmooyinka Gobolka.
Banaanbaxa ayaa loola gol lahaa sida Magaalada Muqdisho ku heli lahayd xuquuqdeeda gaarka ah ayaa waxaa qaban qaabadiisa lahaa maamulka Gobolka Banaadir, taasoo lagu dalbanayay in golaha shacabka caddeeyo maqaamka uu leeyahay Gobolka.
Guddoomiyaha Gobolka Banaadir ayaa sheegay in Baarlamanka Soomaaliya iyo beesha Caalamkuba looga baahan yahay inay tix geliyaan rabitaanka shacabka.
Cabashada iyo Dooda dadka Muqdisho ayaa ku soo aadeysa iyadoo haatan magaalada Muqdisho ay ku sugan yihiin Madaxda dowladda iyo maamul goboleedyada oo horey heshiiskaan uwada gaaray.
