Kismaayo (Caasimada Online)-Iyadoo magaalada Kismaayo ay ku sugan yihiin wufuud ka tirsan labada gole ee dowlada Somalia, ayaa waxaa maanta xubno ka tirsan labadaasi gole oo uu hogaaminaayay Ra’isul wasaare ku-xigeenka dalka Carte ay booqdeen xarunta weyn ee ciidamada ee ku taal duleedka magaalada Kismaayo.
Mas’uuliyiintaani booqday xarunta ayaa waxaa wehlinaayay Madaxweynaha maamulka Jubbaland iyo xubno ka tirsan maamulkiisa.
Mas’uuliyiintaani ayaa wareystay qaar kamid ah Saraakiisha iyo ciidamada ku jiray xarunta waxa ayna sidoo kale indha indheeyen Xafiisyada ay fadhiistaan Taliyayaasha ee xarunta ku dhexyaal.
