Sawirro: Kenya oo tababar u furtay xildhibaanada Jubbaland

By Asad Cabdullahi Mataan

Nairobi (Caasimada Online) – Dowlada Kenya ayaa tababar u furtay Xildhibaano ka tirsan Baarlamaanka maamulka Jubbaland kuwaa oo tababarkooda uu ka furmay magaalada Nairobi.

Xildhibaanada tababarka loo furay ayaa ka tirsan gudi hoosaadyada baarlamaanka Jubaland, iyadoo tababarkooda ay bixinayaan xubno ka tirsan Baarlamanaka Kenya.

Tababarkan ayaa ah mid lagu xoojinayo tayada shaqada gudi hoosaadyada baarlamaanka Jubaland iyo shuruucda la xiriira qaabka ay u gudan lahaayeen waajibaadkooda shaqo.

Tababarka ayaa waxaa qeyb ka ah Mas’uuliyiin ka kala tirsan mamaulka iyo Dowlada kuwaa oo indha in dheynaaya sida uu u socdo tababarka.

Baarlamaanka maamulka Jubaland ayaa sharci ahaan leh ilaa 13 guddi hoosaadyo oo loogu talagalay la xisaabtanka xukumada Jubbaland.

Sidoo kale, tababarka ayaa socon doona mudda 6 maalmood, iyadoo ay xusid mudan tahay inay ka qeybqaadanayaan 30 xildhibaan oo kamid ah guddi hoosaadyada baarlamaanka Jubaland.