DAAWO Sawirrada: Muxuu ku qotomay kulankii Cabdi Weli GAAS iyo Peter de Clercq + Warbixin

Asad Cabdullahi MataanBy Asad Cabdullahi Mataan

Muqdisho (Caasimada Online) – Madaxweynaha Puntland Dr.Cabdiweli Maxamed Cali Gaas iyo madaxweyne ku xigeenka Puntland Eng. Cabdixakiin Cabdullaahi Cumar Camey ayaa maanta Garoowe ku qaabilay ku xigeenka cusub ee wakiilka Qaramada Midoobay u qaabilsan arrimaha Soomaaliya Peter de Clercq iyo wefdi uu hogaaminayo oo booqasho ku yimi Puntland.

Kulan gaar ah oo ay wada qaateen ayaa waxaa ay uga hadleen arrimaha Soomaaliya , howlaha muhiimka ah ee Qaramada midoobay ka wado gudaha Puntland iyo sidookale arrimaha dimuqraadiyada sidii looga wada shaqeyn lahaa , maadama Puntland ay qaaday dhabadii dimuqraadiyadda iyo hirgelinta nidaamka xisbiyada badan.

Kadib markii uu soo dhammaday shirkaasi ayaa waxaa si wadajir ah warbaahinta qeybaheeda kala duwan ula hadlay Madaxweynaha iyo ku xigeenka cusub ee wakiilka Qaramada Midoobay u qaabilsan arrimaha Soomaaliya Peter de Clercq , waxaana ay sheegen in kullankii ay wada qaateen uu ku soo idlaaday guul iyo is afgarad.

” Waxaan sidookale ka wada hadalnay taageerada Qaramada Midoobay ee Puntland , hanoqoto xagga bini’aadanimada , arrimaha nabad-gelyada iyo sidii looga wada shaqeyn lahaa dawladdnimada iyo nidaamka dimuqraadiyadda ” Ayuu yiri Madaxweyne Gaas.

Peter de Clercq ayaa dhankiisa Puntland ku amaanay horumarka baaxadda leh ee ay gaartay, waxaana uu ka mahadceliyey soo dhaweynta loo sameeyey, isagoona tilmaamay in Qaramada Midoobay ay sii wadayso taageerada dhinackasta ah ee ay siiso Soomaaliya .

Ugu dambeyn Madaxweyne Gaas ayaa qado sharaf hoygiisa kula qaatay Peter de Clercq iyo wefdigii balaarnaa ee uu hogaaminayey .

HOOS KA DAAWO SAWIRADDA
1

2

3

4
6
5