Shaqsiyaad loo heysto qaraxyo dhacay xiligii Xasan Sheikh oo maxkamad lasoo taagay

Muqdisho (Caasimada Online) – Maxkamada darajada koowaad ee ciidamada Qalabka sida ayaa maanta bilowday dhageysiga dacwad loo heysto ilaa 7 ruux.

Shaqsiyaadka maanta dacwadooda la dhageystay ayaa loo heystaa inay ku lug lahaayeen qaraxii ka dhacay Suuqa Beerta kaasi oo dad badan ay ku dhinteen.

Qaraxaasi ayaa sababay dhimashada ilaa 30 ruux iyo dhaawac inka badan 40 ruux sida maanta maxkamada ay cadeysay.

Dadkaasi ayaa waxaa ku jiro ruuxii waday gaariga ku qarxay Suuqa Beerta ee magaalada Muqdisho, kaasi oo isla maalintii goobta lagu qabtay.

Xasan Cali Nuur Shuute, gudoomiyaha maxkamada darajada koowaad ee ciidamada qalabka sida ayaa sheegay in maanta ay dhageysteen dacwada dadkaasi loo heysto.

Wuxuu sheegay in maxkamada la keeni doono cadeymo muujinaya waxyaabaha ay ku eedeysan yihiin, isagoo amray in dib xabsiga loogu celiyo,

Xiliga la qaadayo dacwadan go’aankana laga qaadanayo ayuu sheegay in maxkamada ay dib kasoo sheegi doonto.

Qaraxyada dadkaan loo heysto ayaa dhacay xiligii uu talada dalka hayay Xasan Sheikh Maxamuud, oo iminka kamid ah baarlamaanka sida dastuurka dalka uu qorayo

Caasimada Online
Xafiiska Muqdisho
Caasimada@live.com