Oslo (Caasimada Online) – Mahad Abiib Maxamed oo ah muwaadin Somali ah ayey wali ku socotaa dacwad la xiriirta inu ka been sheegay jinsayadiisa oo uusan Soomaali aheyn uuna yahay Jabuutiyaan, sida ay sheegtay Hay’adda Socdaalka Norway ee Utlendingsdirektoratet – UDI (The Norwegian Directorate of Immigration)
Wargeys dalkaas ka soo baxo oo lagu magacabo (Dagbldet), ayaa maata qoray in Abiib dacwad ay ku socoto oo ku saabsan sharciga (passport-kisa ) oo lagala laabtay, sababtu waa in uu ka yimid Jabouti oo uusan Soomaaliya ka imaan.
Hay’adda Socdaalka Norway ee Utlendingsdirektoratet – UDI (The Norwegian Directorate of Immigration) ayaa ku eedeyneysa Abiib inu isku dhiibay inu yahay Madhibaan.
Wuxuu Wargeysku sheegay isagoo xiganyey Hay’adda Socdaalka Norway ee Utlendingsdirektoratet – UDI (The Norwegian Directorate of Immigration) inu rabbay inuu madaxweyne ka noqodo maamul goboleed loo sameyn rabay Saylac.
Baarayaasha dowladda Norway aya ku heysata Abiib in uusan isago oo midgaan ah madaxweyne Seylac ka noqon karin
“Sideed madaxweyne ugu noqon kartaa Saylac illeen Ciise ma ahid beenta maxaad u sheegee oo qabiil aadan u aheyn u sheeganee” ayey maxkamada ka hor sheegeen saraakiisha Hay’adda Socdaalka Norway ee Utlendingsdirektoratet – UDI (The Norwegian Directorate of Immigration)
Dawadda Norway ayaa sameysay baritaano badan oo nuuc walba leh iyadoo lagu sameyay xitaa guurkiisa ah ku saabsan oo ah in midgaan aysan guursan karin qabiilada kale, sida warbixinta Wargeyska daabacay lagu sheegay.
Abiib Mobile-kiisa waxa laga helay telefonada Wasiirka gaashaandhiga Jabuuti iyo ka caafimaadka, Facebook dadka uu kula sheekeysto waa Jabuuti luuqadda faransiiska ku hadla, oo xitaa maxkamadda waxaa la keenay isagoo wiil Jabuuti jooga ku leh faransiis dambe ha iguana hadlin.
Si kastaba, jaaliyada Soomaalida Norway ayaa is bar bar taagay Abiib oo u muujiyey taageero.
Xigasho: Radio Dalsan
