Nairobi (Caasimada Online) Madaxwaynaha Soomaaliya Xasan Sheekh Maxamuud ayaa wareysi uu dhawaan ku siiyay magaalada Nairobi ee xarunta waddanka Kenya Jariirada Al-Xayaat ee ka soo baxday waddanka Ingiriiska, waxa uu kaga hadlay arrmo badan.
Muxuu ka sheegay hey’addaha gargaarka?
Madaxwaynaha ayaa ku eedeeyay hey’addaha gargaarka in siddii la rabay aysan ula dhaqmin dowladda Soomaaliya, oo hadda ka baxday marxaladii ku-meel-gaarka ahayd.
Wuxuu sheegay in siddii dowlad rasami oo kale aysan ula dhaqmin xukuumadda hadda jirta, waxana uu sheegay arrintaas in ay dhalin karto wax yeelo aad u xun sida uu hadalka u dhigay.
Madaxwayne Xasan Sheekh Maxamuud ayaa sheegay in deeqaha ay keenaan hey’addaha gargaarka in dowladda la siiyo illaa 17%, iyadoo ka hor inta aan lagu soo wareejinina 4% ay qaataan hey’addo kale oo ah gacan seddaxaad.
Madaxwaynaha ayaa yiri “Dowladeeda waa mid sharci ah oo laga aqoonsan yahay aduunyada oo dhan sida geeska Africa”
Wareesigan oo madaxwaynaha uu ku siiyay Al-Xayaat intii uu ku sugnaa toddobaadkii hore waddanaka Kenya, ayaa sidoo kale wuxuu tilmaamay in xukuumadiisa aysan ka warqabin wax-yaabaha ay ka hayaan dalka hey’addaha gargaarka bixiya, kuwaasoo iyagoo tira badan waddanka jooga.
Madaxwaynaha ayaa sheegay in sannadka soo socda ee 2013-ka uu noqon doono sannadkii ugu fiicnaa arrimaha gargaarka oo laga baxaayo dhibaatooyinka lagu soo jiray.
Madaxwaynaha ayaa sheegay in ay bilaabi doonaan mashaariic laga hirgalinaayo waddamada dariska.
Muxuu ka yiri madaxwaynaha Xiriirka dowladiisa ay la lee dahay Kenya iyo Ethiopia?
Madaxwaynaha ayaa sheegay in xiriirka ka dhexeysa dowladiisa iyo waddamada Kenya iyo Ethiopia uu yahay mid aad u wanaagsan, isla markaa uu ka jiro xiriir wadashaqeyn sida uu hadalka u dhigay, isla markaana uu la kulmay madaxda waddamadaas.
Wuxu sheegay in uu ka xunyahay rabshadaha iyo qaraxyada ka dhaca waddanka Kenya, kuwaasoo oo lagu dhibaateeyo dadka rayidka iyo ciidamada ammaanka.
Si kastaba, hey’addaha gargaarka ayaa lagu eedeeyaa in ay dhibaatooyin ay ku hayaan dalka, waayo gargaar fiican ma keenaan waddanka, waxana gargaarka inta badan ay kusoo began xilliyada roobabka ay da’aan si dadka wax tacbanaya ay joojiyaan beeraha ay falanayaan.
Caasimada Online
Xafiiska Wararka Nairobi
