Wasiirka arrimaha gudaha Somalia oo ku dhowaaqay hadal culus oo ka dhan ah maamulka gobalka Baay (Aqri)

Asad Cabdullahi MataanBy Asad Cabdullahi Mataan

Baydhabo (Caasimada Online)  Wasiirka arrimaha gudaha iyo amniga qaranka Soomaaliya Cabdi Kariin Xuseen Guuleed oo dhawaan isaga iyo wasiirka gaashandhigga Cabdi Xakiin Maxamuud Xaaji Fiqi ay booqdeen magaalada Baydhabo ee gobalka Baay ayaa sheegay in uu kala hadlay xildhibaannada iyo dadka ku dhaqan gobalka Baay siddii ay u yeelan lahaayeen maamul cusub.

Wasiirka ayaa codsaday in la badalo maamulka Gobalka Baay iyo midka magaalada Baaydhabo, kuwaasoo eedeemo badan ka soo yeertay sida uu hadalka u dhigay.

Xildhibaanno ka soo jeeda gobalka Baay ayaa hadda ku sugan magaalada Baaydhabo, waxana ay billaabeen wadatashiyo iyo kulamo ay lee yihiin waxgaradka iyo odayaasha ka soo jeeda gobalka Baay.

Kulamada ayaa looga hadlaayaa siddii loo badali lahaa maamulka hadda jira.

Wararkii u dambeeyay ee ka imaanaya magaalada Baaydhabo ayaa sheegaya in si wayn uga soo horjeedaan in uu sii shaqeeyo maamulka gobalka Baay iyo kan magaalada Baaydhabo.

Iyo sidoo kale ay odayaasha u gudbiyeen 27-xubnood oo ay ku qoran yihiin in ay noqdaan maamulka rasmiga ah ee wasaarada arrimaha gudaha ay u soo magacaabeyso gobalka iyo magaalada Baaydhab.

Odayaasha iyo wax garadka ku dhaqan magaalada Baydhabo oo la kulmay wafdiga dhawaan tagay Baydhabo ayaa ku dhaliilay maamulka wax qabad la’aan iyo in uusan ka shaqeenin danaha shacabka.

Wasiirka ayaa sheegay in uu dadkii uu kula kulmay Baydhabo ay dhammaantoo rabeen in la badalo maamulka hadda ka jira Baydhabo iyo Baay, inkastoo ay jireen xubno ka soo horjeeda.

Wasiirka oo la hadlaayay dadkii uu la kulmay ayaa yiri “ Wixii aad sheegteen iyo waxa aad dareenteen ma ihi qof meesha uga tagaya, ee waxan diidanahay in wax meesha laga saaro maamul noo toosaya ma lahan, waxaan rabnaa kii maanta yimaada dhaliil hadduu lee yahay in aan sheegno haddii uu amaananyahy aan sheegn amaantiisa haddii aan iska badaleyno idinka ayaa qiyaar u leh waa la badalaa haddii uu noo joogaayo idinka ayaa khiyaar u leh”

Wuuu sii hadlay “Annaga haddii aan nahay dowladda dhexe dadka cid aysan rabin ma rabno in aan ku juujuubno rabitaanka busshada ayaan ku shaqeeyneynaa doonista bulshadda iyo waxa ay ka qabto maamulkaas ayaan ku shaqeen doonaa” ayuu yiri mar kale.

Caasimada Online

Xafiiska Wararka Baydhabo