Gaza (Caasimada Online) – Israa’iil iyo Xamaas ayaa billaabay xabbad-joojin afar maalmood ah saaka oo Jimce ah.
Sidoo kale wadaa lagu wadaa in Xamaas ay sii daayaan 13 haween iyo carruur Israa’iil ah oo la haystayaal ah isla maanta, iyo in ay gargaar bini’aadannimo uu soo gaaro marinka Gaza ee go’doonsan.
Xabbad-joogintan ayaa ah tii ugu horreeyay ee dagaalka socday toddobada toddobaad.
Xabbad-joojintu waxay bilaabatay 7-dii aroornimo ee xilliga Gaza, taas oo ka dhaqangashay waqooyiga iyo koonfurta Gaza, waxaana ku xigta sii-daynta qaar ka mid ah in ka badan 200 oo la-hayste oo Xamaas ay qafaasheen intii uu socday weerarkii Islaamiyiinta ee 7-dii bishii hore ee Oktoober, sida ay sheegeen dhexdhexaadiyayaal ku sugan Qatar.
Tiro maxaabiis falastiiniyiin ah oo ku xirnaa xabsiyada Israa’iil lagu sii deyn doonaan is-weydaarsiga maxaabiista labada dhinac.
Gargaar dheeri ah ayaa loo qorsheeyay in uu ku qulqulo Gaza, waxaana la haystayaashii ugu horreeyay oo ay ku jiraan haween da’ ah la sii deyn doono 4-ta galabnimo, sida uu sheegay afhayeenka wasaaradda arrimaha dibadda Qatar Majid Al-Ansari.
Afhayeenka ayaa sidoo kale waxa uu intaas ku daray in tirada guud ee la sii deyn doono afta maalmood ee xabbad-joojinta ay gaari doonto 50 qof.
Masar ayaa sheegtay in 130,000 oo litir oo shidaal ah iyo afar baabuur oo gaas ah la geyn doono Gaza maalin kasta marka xabbad joojinta la bilaabo, waxaana maalin walba Gaza soo geli doona 200 oo baabuur oo gargaar ah.
Xamaas ayaa ku xaqiijisay khadleeda Telegram-ka in dhinacooda ay qaateen xabbad-joojinta.
