Xagee ayuu ku dambeeyey ciidanka hubeysan ee NISA ee magaalada Muqdisho?

Muqdisho (Caasimada Online) – Taliyaasha Ciidamada Soomaaliuya ayaa shalay magaalada Muqdisho waxa ay uga qeyb galeen Munaasabad lagu midaynayay ciidamada NISA iyo booliska, oo ay goob joog ka ahaayeen saraakiishiiiyo Ciidankii hubaysnaa ee Hay’adda Nabadsugida iyo Sir doonka qaranka.

Ciidamadaan ayaa haa kuwii sugi jiray amaanka magaalada Muqdisho ee laga soo kala xulay qaybaha kala duwan ee ciidamada looguna magac daray ciidanka Xasilintaoo si weyn loogu xasuusto howlgaladii Bishii ramadaan ka dhacayey Gudaha Magalada Muqdisho.

Taliyaasha Ciidamada Booliiska iyo Asluubta oo si wadajir ah u la hadlay Warbaahinta ayaa sheegay in ay si weyn ugu mahadcelinyaan Ciidamadaan oo lagu xasuusto dardar gelinta howlaha amniga Caasimada.

Taliyaha Ciidanka Asluubta S/guud Bashiir Maxamed Jaamac ayaa sheegay Ciidankaan in aanay ahayn kuwa la dhaqan celinayo lakiin si toos ah u bilaabi doonaan ugana qayb qaadan doonaan xaqiijinta amniga marka ay bartaan shuruucda Booliiska Soomaaliyeed.

Hoos ka Dhageyso Codadka Taliyeyaasha Booliska iyo Asluubta

Caasimada Online
Xafiiska Muqdisho
Caasimada@live.com