Cadaado (Caasimada Online) – Warar lagu kalsoon yahay ayaa sheegaya in Baarlamaanka maamulka Galmudug uu wado diyaarinta Doorashada Hogaamiyaha cusub ee uu yeelan doono maamulka.
Xildhibaanada Baarlamaanka Maamulka ayaa maanta kulan ka yeeshay xiliga ay dhaceyso Doorashada, waxa ayna isla qaateen nidaamyo lagu dajinaayo Doorashada.
Kullanka Baarlamaanka ayaa waxaa intiisa badan diirada lagu saaray xilliga ay dhaceyso Doorashada Hogaamiyaha Maamulka Galmudug iyo qaabka ay u dhaceyso Doorashada.
Xildhibaanada ayaa isku khilaafay kullanka looga doodaayay xiliga Doorashada waxaana goobta ay ka dhaceysay Doorashada hareereeyay buuq iyo sawaxan.
Xildhibaanada Baarlamaanka ayaa soo kala dhexgalay is fahan’waa, oo ay ku heshiin waayeen xilliga ay dhaceyso Doorashada Madaxweynaha, inkastoo markii dambe la xaliyay.
Xildhibaanada Baarlamaanka Maamulka Galmudug ayaa ku heshiiyay Doorashada Madaxweynaha Galmudug in la qabto 10-ka Bisha April.
Ra’isul wasaaraha Xukuumada Somalia ayaa dhawaan maamulkasida KMG ah usii haya Galmudug ka dalbaday in maalmo la dib dhigo Doorashada maamulka Galmudug.
Caasimada Online
Xafiiska Cadaado
Caasimada@live.com
