Muqdisho (Caasimada Online) – Madaxweynaha Somalia Maxamed C/llahi Farmaajo ayaa la xaqiijinayaa inuu bilaabay baaritaanada Codsiyada xubnaha doonaaya inay kamid noqdaan Golaha Wasiirada.
Madaxweyne Farmaajo ayaa Codsiyadaasi ka dhex baaraya Sifaadka laga doonaayo xubnaha loolanka ugu jira Xukuumada cusub.
Codsiyada ayaa la sheegay inay ku lifaaqan yihiin CV-yada Musharaxiinta dooneysa xilka waxaana la xaqiijinayaa inay aad u yartahay tirada Musharaxiinta ee ilaa iyo hadda laga helay Sifaadka.
Xogtu waxa ay tibaaxeysaa in Musharaxiinta laga helay sifaadka ay gaarayaan ilaa afar Musharax oo iyagu xitaa wata kalsoonida beeshooda kuwaa oo loo badinaayo inay kamid noqon doonaan Golaha.
Madaxweyne Farmaajo ayaa dhawaan sheegay in Golaha Wasiirada lagu soo xuli doono karti iyo Aqoon, waxa uuna meesha ka saaray in Golaha ay kamid noqon doonaan xubno laga waayay sifaadka looga baahnaa.
Maalinta Arbacada ee fooda nagu soo heysa ayaa loo badinayaa in Ra’isul wasaaraha Xukuumada Somalia Xasan Kheyre ku dhawaaqo Golaha Wasiirada.
Caasimada Online
Xafiiska Muqdisho
Caasimada@live.com
