Muqdisho (Caasimada Online) – Xildhibaanada baarlamanka Soomaaliya ayaa diyaarinaya mooshin deg deg ah oo xilka looga qaadayo madaxweynaha Soomaaliya Xasan Sheekh Maxamuud, sida ay ilo lagu kalsoon yahay u sheegeen Caasimada Online.
Madaxweynaha ayaa shalay xeer madaxweyne ku ansixiyey heshiiskii doorashada 2016 ee ay gaareen xubnaha madasha wada-tashiga qaran, isaga oo dhinac maray xildhibaanada baarlamanka Soomaaliya.
Xildhibaanada oo arrintan ka carreysan ayaa wacad ku maray inay tallaabo ka qaadi doonaan madaxweynaha.
“Xasan waxa uu dalka u horseeday fowdo iyo qalalaase siyaasadeed, isaga oo baal maraya dastuurka dalka, balse isaga ayaa ku bixi doona qalalaasahan” Waxaa sidaas Caasimada Online u sheegay mid ka mid ah xildhibaanada diyaarinaya mooshinka.
Xildhibaanada mooshinka wada ayaa u badan kuwa beelaha Digil iyo Mirifle iyo Hawiye, oo ka carreysan in gobolka Banaadir laga reebay aqalka sare ee baarlamanka.
Caasimada Online
Xafiiska Muqdisho
[email protected]