Xog: Xasan Sheikh oo Ethiopia, Kenya iyo KAY uga ashtakoon doona OBAMA

By Asad Cabdullahi Mataan

Muqdisho (Caasimada Online) – Madaxweynaha Soomaaliya Xasan Sheekh Maxamuud, ayaa lagu wadaa in bisha August uu booqdo magaalada Washington DC, ayada oo lafilayo inuu la kulmo madaxweyne Obama.

Xog muhiim ah oo ay heshay Caasimada Online, ayaa muujineysa in kullanka uu yahay mid muhiim ah, lana filayo in looga hadlo arrimo badan oo muhiim u ah Soomaaliya iyo qorshaha Mareykanka eek u wajahan Soomaaliya.

Xuno ku dhow madaxweynaha oo aan dooneyn in lasoo xigto, ayaa Caasimada Online u xaqiijiyey in Xasan uu Obama kala hadli doono arrimo ay ka mid yihiin faro-gelinta ay Ethiopia, Kenya iyo xafiiska UNSOM ku hayaan siyaasadda Somalia.

Waxa ay sidoo kale sheegeen inuu si gaar ah uga astakoon doono UNSOM, oo ah kuwa ku qasabaya meel marinta danaha Kenya iyo Ethiopia.

Madaxweyne Xasan Sheekh, ayaa la sheegay in iminka cadaadis xooggan ay ku hayaan dhinacyadaas, oo ay doonayaan in danahooda ay ka fushtaan Soomaaliya, ayaga oo awooddiisa dastuuri u gacan geliyey ra’iisul wasaare Cabdi Weli, oo ayaga u shaqeeya.

Madaxweynaha ayaa la sheegay inuu la kullanka Obama u arko fursad weyn, oo Mareykanka kaga codsan karo inuu siyaasad cad u dejiyo Soomaaliya, uuna ka caawiyo inay cagaheeda dib ugu istaagto.

Waxaa sidoo kale lagu warramay inuu codsan doono in Obama uu Midowga Africa ku cadaadiyo in ciidamad Kenya laga saaro Soomaaliya.

Biihii dhowaa, ayaa talada dalka Soomaaliya waxaa xoogeeda la wareegay ra’iisul wasaare Cabdi Weli, oo gacan saar xooggan la yeeshay Ethiopia, Kenya iyo UNSOM, kuwaasi oo fowdo ka wada dalka.

Caasimada Online
Xafiiska Muqdisho
caasimada@live.com