Kismaayo (Caasimada Online) – Faa-faahinno dheeraad ah ayaa waxaa laga helayaa howlgal culus oo lagu beegsaday horjoogayaal ka tirsan kooxda Al-Shabaab oo ku shirsanaa guri ku yaalla degmada Bu’aalle ee gobolka Jubbada Dhexe.
War kooban oo kasoo baxay dowladda Soomaaliya ayaa lagu sheegay in howlgalka oo bartilmaameed ahaa ay qaadeen ciidankada NISA iyo saaxibada caalamia ah, laguna beegsaday madax sare oo ka tirsanaa Khawaarijta.
Qoraalka ayaa sidoo kale lagu sheegay in haatan dowladdu waddo qiimeyn ku aadan weerarka, isla markaana ay dib ka faah-faahin doonto khasaaraha guud.
“Ciidanka Hay’adda Sirdoonka iyo Nabadsugidda Qaranka (NISA), oo kaashanaya Saaxiibada caalamka ayaa howlgal culus oo lagu bartilmaameedsaday guri ay ku shirayeen Horjoogeyaal sare oo ka tirsan Khawaarijta ka fuliyay degmada Bu’aale ee Gobolka Jubbada Dhexe” ayaa lagu yiri warka qoraalka ah.
Weerarkan waxaa ka horreeyay mid kale oo dhawaan lagu qaaday xarunta ugu wayn ee Al-Shabaab laguna dilay maleeshiyaad iyo horjoogayaal, iyada oo kuwa kale oo nool ay soo qabteen ciidamada kumaandooska Danab.
Horjoogayaasha la dilay waxaa kamid ahaa laba nin oo halis ahaa, kuwaas oo kala ah Cabdullahi Cismaan Maxamed Abuukar oo loo yaqaanay Injineer Ismaaciil iyo Cabdikariin Maxamed Xirsi (Qoorleex), sida ay horay u sheegtay dowlada.
Horjooge Injineer Ismaaciil, wuxuu ahaa gacanta midig ee hoggaamiyaha guud ee kooxda Al-Shabaab, iyada oo loo diyaarinayay inuu beddalo Axmed Diiriye. Sidoo kale wuxuu kasoo shaqeeyay qaybta warbaahinta, waxaa kale uu madax kasoo noqday xafiisyada hubka, qaraxyada iyo maktabka guud ee amniyaadka Al-Shabaab, sida lagu sheegay bayaanka kasoo baxay dowladda.
Ninka labaad oo ah Cabdikariin Maxamed Xirsi (Qoorleex) ayaa qaabilsanaa howlgallada dibadda ee kooxda Al-Shabaab, isaga oo weeraro ka fuliyay