Sawirro: Sidee, yaase soo dhaweeyay xoghayaha Guud ee QM

By Asad Cabdullahi Mataan

Muqdisho (Caasimada Online) –¬†Isbadal weyn oo dhanka soo dhaweynta ah ayaa ka muuqday qaabka loosoo dhaweeyay xoghayaha Guud ee Qaramada Midoobay.

Antonio Guterres ayaa maanta soo gaaray magaalada Muqdisho, waxaana soo dhaweeyay ku simaha wasiirka arimaha dibada xukuumada Soomaaliya.

Cabdisalaan Hadliye Cumar ayaa soo dhaweeyay wafdiga uu hogaaminayo xoghayaha guud ee Qaramada Midoobay, waxaana kadib hoolka shirarka ee garoonka diyaaradaha kusoo dhaweeyay madaxweynaha Soomaaliya.

Kulankaasi socday muddo kooban ayaa looga hadlay abaaraha ka jira dalka Soomaaliya iyo xaaladaha dhanka amaanka.

Balse soo dhaweynta maanta ayaa ka duwaneyd soo dhaweyntii hore loogu sameeyay Ban Ki Moon oo xirnaa jaakada xabada aysan karin.

Waxaa xiligaasi sanadkii 2012 soo dhaweeyay Ra’iisul wasaarihii xiligaasi C/Welli Maxamed Cali gaas.

Marka xubno ajaaniib ah imaanayaan Soomaaliya waxaa sanadihii ugu dambeeyay dhacayay in madaxweynaha uu kaga hortago qeybta soo dhaweynta.