Muqdisho (Caasimada Online) – Ra’isulwasaaraha Soomaaliya Xasan Cali Kheyre ayaa shalay si rasmi ah ugu dhawaaqay liiska golaha wasiirada cusub, waxaana idiin soo liiska ay ka heleyn haweynka Soomaaliya.
Haweenka, ayaa lix Wasiir ka helay lix iyo labaatanka (26) Wasiir ee la magacaabay, iyadoo qaarkood loo magacaabay Wasaarado muhiim ah, sida Wasaaradaha Caafimaadka, Dekedaha iyo Ganacsiga.
Lixda Wasiir ee dumarka ah, ayaa lagu kala magacaabaa:-
Foosiya Abiikar Nuur, Wasiirka Caafimaadka & Daryeelka Bulshada
Maryan Aweys Jaamac, Wasiirka Dekedaha & Gaadiidka Badda
Khadra Axmed Ducaale, Wasiirka Ganacsiga & Warshadaha
Khadiija Maxamed Diiriye, Wasiirka Dhalinyarada & Ciyaaraha
Deeqa Yaasiin Xaaji Yuusuf, Wasiirka Haweenka & Xuquuqul Insaanka
Maryan Qaasim Axmed, Wasiirka Gargaarka & Maaraynta Musiibooyinka
Sidoo kale Wasiir Kuxigeenada la magacaabay, ayaa laba keliya laga siiyay dumarka, waana tiro aad uga yar marka aad fiirso tirada laga siiyay Wasiirada.
Labada Wasiir Kuxigeenada ee haweenka ah, ayaa kala ah:-
Fahma Axmed Nuur, Wasiir Ku Xigeenka Wasaaradda Qorshaynta, Maalgashiga & Horumarinta Dhaqaalaha
Samra Ibraahim Cumar, Wasiir Ku Xigeenka Wasaaradda Haweenka & Xuquuqul Insaanka
Haweenka wax xubno ahi lagama siinin shan iyo tobanka Wasiiru Dowlayaasha, ee uu ku soo dhawaaqay Ra’iisal Wasaaraha Xukuumadda, Xasan Cali Khayre.
Guud ahaan tirada Golaha Wasiirada ee la magacaabay oo dhan sideed iyo lixdan (68) xubnood, ayaa saddex iyo afartan (43) ka mida waxaa weeye Mudane-yaal ka tirsan Baarlamaanka Somaliya.
Caasimada Online
Xafiiska Muqdisho
[email protected]