Muqdisho (Caasimada Online) – Madaxweynihii hore ee Somalia Sheekh Shariif Sheekh Axmed ayaa ka hadlay bilashada Bisha ramadaan.
Sheekh Shariif ayaa Ummadda Soomaaliyeed ugu hambalyeeyay bisha Barakeysan ee Ramadaan ee maanta kowda ah.
Sheekh Shariif waxa uu tilmaamay in Umadda Soomaaliyeed looga baahan yahay inay ku heshiiyan bisha barakeysan waxa uuna cadeeyay inay mudan tahay in alle laga dalbado inuu ka dulqaado fidnada iyo amni darada ragaadisay dalka.
”Waxaa la doonayaa inaan la noqon qof iska soomay oo kaliya, waxaa la rabaa in qof waliba xiliyada afurka uu alle weydiisto in dalkiisa iyo dadkiisa uu ka dulqaado dhibta heysata”
”Waxaa muhiim ah in mudada lagu guda jiro bisha ramadaan alle la weydiisto wixii wanaag ah si uu uga reebo waxyaabaha aan wanaagsaneyn”
Sidoo kale Sheekh Shariif ayaa Shacabka Somaaliyeed ugu baaqay in ay Nabada ka Shaqeeyaan isla markaana dowladdooda taageeraan.
Dhinaca kale, Sheekh Shariif ayaa madaxda dalka ku booriyay in qudhooda ay alle ka cabsadaan isla markaana u diirnaxaan dadka iyo dalka.
Caasimada Online
Xafiiska Muqdisho
[email protected]