Muqdisho (Caasimda Online) – Axmed C/salaan iyo C/raxmaan C/shakuur , ayaa dadaal xoogan waxay ugu jiraan sidii lagu sii deyn lahaa Sheekh Xasan Daahir Aweys oo u xiran dowlada Somalia .
Safiirka Soomaaliya ee dalka Itoobiya Axmed C/salaan Xaaji Aadan, iyo C/raxmaan C/shakuur Warsame, oo isna ka tirsan La taliye-yaasha Madaxweynaha Somaliya, ayaa waxay siyaabooyin kala duwan ay u wajaheen Odayaasha Beesha Cayr Habargidir si arinta Sheekha ay kala Hadlaan.
Labadan Mas’uul ayaa odayaasha Beesha Ceyr ka dalbaday inay inay faraha kala Baxaan arinta Sheekha iyo Cadaadinta ay ku hayaan Madaxtooyada Somalia , iyagana ay dhabarka u xiranayaan sii deynta Wadaadka.
Warar ayaa sheegaya in Siyaasiyiin, wax-garad, Odayaal Dhaqameedyo iyo dhalinyaro ka soo jeeda jilibka Ayaanle Cayr, ee uu ka dhashay Sheekh Xasan Daahir Aweys, ayaa waxay shir xasaasi ah ay ku yeesheen Hotel Muqdisho Kutaala
Warar Hoose ayaa sheega in Jufada Hoose ee uu kasoo jeedo Sheekha inay diideen Dhaq dhaqaaqyada ragan ay wadaan , waxaana ay sheegeen in hadii qeybaha kale ee Beesha xitaa ay sii deynta Sheekh ka laabtaan ay iyaga soo deysanayaan.
Qaar ka mid ah odayaasha Beesha Ceyr ayaa sheegay inay in ragan ay kala qeybinayaan odayaasha taasina ay tahay mid laga xumaado .
i Dowladaha Qatar iyo Turkiga ayaa sidoo kale dhex dhexaadin ka dhex wada Madaxda Dowladda iyo Sheekh Xasan Daahir Aweys.
Caasimada Online
Xafiiska Muqdisho