Baardheere (Caasimada Online) Maamulka Ahlu Sunna ayaa nasiib daro ku tilmaamay khilaafka is-maandhaafka soo kala dhex galay Madaxweynaha iyo Raysal Wasaarihiisa.
Afhayeenka Ahlu Sunna ee Koonfur Galbeed, Sheekh Maxamed Al-Qaadi, oo la hadlaayay Idaacadda SIMBA ayaa sheegay in khilaafka uu yahay mid nasiib daro.
Wuxuu ugu baaqay in xaliyaan khilaafkaas wuxuuna sheegay in xiliggan laga fiican yahay khilaaf iyo is-maandhaaf.
Dhinaca kale, Afhayeenka Ahlu Sunna ayaa ka hadlay shirka maamul u sameenta gobalada koonfur Galbeed, wuxuuna sheegay in shirkaas uu yahay mid cid gooni ah ay wataan, waxaana fiican ayuu yiri in laga qaybgaliyo dhammaan beelaha deggan gobalada maamulka loo sameenaayo.
Wuxuu sheegay in Ahlu Sunna aysan ka qaybgali doonin shirkaas isagoo sabab u dhigay in aan lagu casuumin sida uu hadalka u dhigay.
Caasimada Online
Xafiiska Wararka Muqdisho