Muqdisho (Caasimada Online) Qaar kamid ah odayaasha dhaqanka oo ka hadlay khilaafka Madaxweynaha iyo Ra’iisul Wasaaraha ayaa ku taliyay in uusan xilka baneyn Ra’iisul Wasaare Cabdi FaaraxShirdoon Saacid.
Ugaaska Beesha Habar gidir, Iimaan Cabdullaahi Khaliif Rooble ayaa sheegay in khilaafkan uu yimid xilli Somalia ay ka jirto dhibaatooyin kala duwan isagoona tusaale usoo qaatay dhibaatadii ka dhalatay Duufaantii qeybo ka mid ah Puntland, iyo colaada iyo fatahaadaha Sh/Dhexe.
Wuxuu sheegay in dhankiisa uu ku baqayo in wax waliba ay madaxweynaha iyo ra’isul wasaaraha ku dhameeyaan wada hadal , waxaana uu sheegay in laga wanaagsan yahay in khilaaaf kasto oo yimaada inuu horseedo in shaqda la joojiyo ama qof xilkiisu uu kuwaayo iyadoo xal kale loo heli karo sida uu tilmaamay.
” In la isi saxo oo la is toosiyo ayaa loo baahan yahay ma aha micnuhu in markii ay wax qaldamaan ama la is khilaafo in lakala tago , marka waxaan dhahayaa aniga hala kala tago hala wada joogaa ka roon ” ayuu yiri Ugaaska Beesha Habar gidir
Iimaan Cabdullaahi Khaliif, ayaa ka dalbaday madaxda sare ee dalka in hadii arintooda ay xalin waayaan inay tagaan sharciga si loo dhameeyo intii is jiid jiid uu sii socon lahaa si xalka ugu dambeeya ay u gaaraan Mudanayaasha Baarlamaanka Somalia.
Wuxuu sheegay in xukuumada iminka jirta in looga fadhiyo dhameystirka waxa u dhiman waxaana uu sheegay in ra’isul wasaare kale oo la keeno dalka uusan waxba soo kordhib karin sidaasi dartedna uu uu dalbanayo in saacid xilkiisa loo daayo isaguna uusan is casilin.
Qeybaha kala duwan ee Bulshada Soomaaliyeed ayaa si aad ah u hadal haya khilaafka madaxda sare ee dalka , inkastoo laga war dhowrayo go’aanka ay golaha baarlamaanku arintan ay ka gaaraan .
Halkaan Hoose ka dhageyso Iimaan Cabdullaahi Khaliif
Iimaan Cabdullaahi Khaliif Rooble
Caasimada online
Xafiiska Muqdisho