Abiy Ahmed oo xal u helay colaada dhiiga ku daatay ee Soomaalida iyo Oromada

Adis ababa (Caasimada Online) – Ra’iisul wasaaraha dalka Ethiopia Abiy Axmed ayaa amar ku bixiyay in ciidamo gaara la kala dhex dhigo Soomaalida iyo Qowmiyada Oromada ee ku dagaalameysa xuduudka labada dhinac.

Ra’isul wasaare Abiy Axmed ayaa amarkaasi faray Taliyayaasha Hay’adaha amaanka Ethiopia waxa uuna mamnuucay in ciidamada la kala dhex dhigaayo labada dhinac ay qeyb ka noqdaan Soomaalida iyo Oromada.

Abiy Axmed ayaa sheegay inuu sii xoogeysanaayo dagaalka isla markaana loo baahan yahay in la yareeyo colaada iyo dhiiga muwaadiniinta ee ku daadanaaya xuduudka uu dagaalka ka socdo.

“Waa inaan xal u helnaa dagaalka sii xoogeysanaaya ee u dhexeeya Soomaalida iyo Oromada, suuragal maaha inaan daawano dhiiga daadanaaya waa inaan helnaa ciidamo dhedhexaad ah”.

Sidoo kale, Abiy Axmed ayaa dhaliilay Hogaamiyayaasha labada maamul waxa uuna ku eedeeyay inay ka gaabinayaan dadaalkii lagu xalin lahaa colaada sii xoogeysaneysa.

Ugu danbeyntii waxa uu Ra’isul wasaare Abiy Axmed u digay dhinacyada ka macaasha colaada ka dhex aloosan Soomaalida iyo Oromada.

Caasimada Online

Xafiiska Adis ababa

Caasimada@live.com