Arsene Wenger ayaa isku deyeya inuu heshiisyo uu ku ilaashanayo la galo ciyaartoyda British-ka ah ee kooxdiisa Arsenal, wuxuuna wadahadalo nabadeed ay kula jirtaa kooxdu Theo Walcott.
Alex Oxlade-Chamberlain, Aaron Ramsey iyo Kieran Gibbs ayaa dhamaantood la isku afgartay inay qandaraasyo cusub kooxda u saxiixaan, halka Jack Wilshere sidoo kale qirtay inuu heshiis shan sano ah oo cusub kooxda u saxiixayo.
Laakiin wargeyska Mirror Sport ayaa daaha ka qaaday in xidiga qaranka England Walcott uu wadahadalo nabadeed kula jiray Wenger Isbuucii lasoo dhaafay wuxuuna isku deyeyaa inuu xaliyo mustaqbalkiisa Gunners ka dib markii uu qiimihiisa kusoo bandhigay kulankii Isniinta ee Reading.
Hadaba Wenger ayaa doonaya inuu xidigaan kooxda kusii hayo, laakiin Walcott ayaa laga yaabaa inuu kooxda ku xiro in la siiyo boos joogta ah oo gooldhaliyaha ah, sidoo kale waxaa laga yaabaa inuu mushaar dhan 100 kun oo ginni kooxda ka dalbado.
Halka Arsenal ay dooneyso inay siiso 85 kun oo ginni, 23-jirkaan ayaana horay u diiday inuu qandaraas shan sano ah oo uu isbuucii ku qaadanayo 75 kun oo ginni kooxda u saxiixo.
Hadii ay Arsenal heshiis la gaari weyso xidigeeda, Chelsea, Manchester United, Manchester City iyo Liverpool ayaa heegan u ah inay Walcott la wareegaan.
Oxlade-Chamberlain, oo 19 jir ah, ayaa shan sano oo heshiis ah kooxda u saxiixaya wuxuuna isbuucii ka qaadan doonaa 60 kun oo ginni.
Waxaa Qoray: Ahmed Jaangoan
E-mail: jaangoan@yahoo.com
Caasimada — Mogadishu.
