Ciidamada jooga Kismaayo oo heegan la geliyay + Xaalka magaalada.

Asad Cabdullahi MataanBy Asad Cabdullahi Mataan

Wararka ka Imaanaya Magaalada Kismaayo ee Xarunta Gobolka Jubada hoose ayaa sheegaya in heegan la geliyay Ciidamada jooga magaaladaas.

Dhaq dhaqaaqii Dakada magaalada Kismaayo ayaa saakay hakad galay waxaana la dhoobay ciidamo badan oo gudaha iyo Banaanka la dhigay

Wararka lagu kalsoonaan karo waxay sheegayaan in hakadka shaqada ay ka dambeyso kadib markii la sheegay wafdi caalami ah maanta lagu wadaa inay gaaraan magaalada kismaayo.

Ciidamada jabhada Raaskambooni ayaa guud ahaan lagu arkayaa magaalada kuwaas oo amaanka sugaya.

Saraakiil katirsan maamulka Kmg ee kusugan magaalada Kismaayo xiriir aan lasameynay ayaa inoo taaba-geli waysay inan qadka taleefoonka ku haleelno xilli dad badan ay hadal hayaan waxa ka socda saaka Dekada Kismaayo iyo wafdiga halkaasi kormeerka ku tagaya sida qorshaha uu yahay.

Kismaayo Mudooyinkii ugu dambeeyay waxaa gaarayay Wafdi heer Caalami ah oo u kur galaya xaalada magaaladaas oo lagu qabanayo shirka maamul u samaynta Gobolada Jubooyinka.