Muqdisho (Caasimada Online) – Guddoomiyaha guddiga doorashada Qaranka Cumar Dhagey ayaa waxaa uu soo saaray go’aan ay ku muujinayaan inaysan aqoonsaneyn doorashadii shalay ee lagu doortay Abtidoon Yare.
Guddoomiye Dhagey ayaa waxaa uu sheegay in kursiga beesha Gaabane/Saleemaan uu yahay mid qoondo haween ah, sidaasi darteedna aysan aqoonsaneyn doorashada shalay ka dhacday Cadaado.
“Annaga oo ka duuleyna sharcigii kasoo baxay madasha qaranka ee qeexayey in saddexdii kursiba uu mid haween yahay, ayaa caddeyneynaa in aanan aqoonsaneyn kursiga Gaabane ee shalay lagu doortay Cadaado” ayuu yiri Guddoomiye Cumar Dhagey.
Hadalka Cumar Dhagey ayaa waxaa uu rajo gelin u yahay Caasha Xaaji Cilmi, taasi oo shalay sheegtay inaysan ka qeybgaleyn kursiga Gaabane doorashadiisa oo laga weeciyey qoondads haweenimo.
Warar laga helayo madaxweynaha Galmudug Cabdikariim Guuleed iyo Xuseen Farmashiye oo ah guddoomiyaha guddiga doorashada Galmudug ayaa sheegaya inaysan qorshahooda waxba ka badeleyn jawaabta Cumar Dhagey, sidaawina Abtidoon ku yahay xildhibaan.
HALKAN KA AKHRISO WAREEGTADA CUMAR DHAGEY:
