Daawo wareysi xiiso badan: Wiil Soomaali ah oo 2 xaas guursaday habeen qura

Nin dhallinyaro ah oo laba gabdhood isku mar la aqal galay ayaa BBC u sheegay inuu dhallinyarada kale ku dhiirri galinayo inay sidaa sameeyaan.

Bashiir Maxamed wuxuu sheegay inuu labada hablood la haasaawi jiray muddo sideed bilood ah, uuna ku qanciyey inuu guursado.

“Aqalkayga ayaan isugu keeni jiray si la isku sii barto” ayuu yiri.

“Waxaan u sheegi jiray in aan labadoodaba wada jeclahay” ayuu sii raaciyey.

In laba hablood isku mar la isla guursado ayuu ku tilmaamay Bashiir inay tahay mid keenaysa in aysan ‘kala masayrin’, oo billowgaba ay og yihiin in la isla qabo.

Sababta uu u guursaday laba hablood isku mar ayuu ku sheegay inuu doonayo “carruur badan”.

“Ragga kalena waxaan ku dhiiri galinayaa in ay sidaa oo kale sameeyaan, haddii ay awoodaan” ayuu yiri Bashiir.

Isha BBC