DEG DEG: Xaalka MUQDISHO oo saaka ka duwan sidii hore (Maxaa ka socda?)

Asad Cabdullahi MataanBy Asad Cabdullahi Mataan

Muqdisho (Caasimada Online) Magaalada Muqdisho waxaa saakay ka billowday howgal ballaaran oo ay wadaan ciidamada dowladda iyo kuwa AMISOM.

Wariyaha Caasimada Online ee Muqdisho ayaa soo sheegaya in howgalka si weyn looga dareemay magaalada gaar ahaan degmooyinka Hodan, Dharkeyley iyo Wadajir.

Waxaa la arkayaa ciidamo fara badan oo degmooyinka gudaha ugu jirra kuwaasoo howgallo ka wada goobahaas, waxaana ay ku soo qabqabteen dhallinyaro badan.

Howgallada saakay ka socda degmooyinkan ayaa la sheegay in ay saamen ku yeelatay isku socodka dadka iyo gaadidka waxaa kaloo xiran goobaha ganacsiga iyo waxbarashada.

Ma cadda ilaa hadda waxyaabaha uu salka ku hayo howgalka saakay ka socda qaar ka mid ah degmooyinka Muqdisho.

Baabuur shabaqlayaal ah ayaa lagu arkayaa goobaha howgallada ay ka socdaan dadka ayaana cabsanaya oo ka walwalsan sida ay xaalada noqon doonto.

Caasimada Online

Xafiiska Wararka Muqdisho

Caasimada@live.com