Kabul (Caasimada Online) – Militariga Mareykanka ayaa xaqiijiyey in qarax weyn uu ka dhacay banaanka garoonka diyaaradaha Kabul ee dalka Afghanistan, halkaasi oo ay weli ku sugan yihiin ciidamada Mareykanka iyo NATO.
“Waxaan xaqiijin karnaa in qarax uu ka dhacay banaanka garoonka diyaaradaha. Weli ma cadda khasaraaha. Dib ayaan akhbaaraad dheeri ah kasoo sheegi doonnaa,” waxaa sidaas yiri afhayeenka Pentagon-ka John Kirby.
Sarkaal kale oo Mareykan ah ayaa xaqiijiyey in qaraxa uu fuliyey qof is-miidaamiyey.
Saraakiisha Mareykanka iyo NATO ayaa dhowr saacadood un kahor sheegay inay heleen akhbaaraad sirdoon oo sheegaya in qarax is-miidaan ah la doonayey in lala beegsado garoonka.
