Afgooye (Caasimada Online) – Warbixin ka soo baxday wasaaradda gargaarka iyo maareynta musoobooyinka ee xukuumadda Soomaaliya ayaa waxaa lagu faah-faahiyey saameynta ka dhalatay fatahaadda uu webiga Shabelle ka sameeyey gobolka Sh/Hoose.
Qoraalkan ayaa waxaa lagu sheegay in boqalaal qoys ay ka barakaceen degmada Afgooye iyo deegaanada hoos yimaada, kadib markii uu ku fatahay webiga.
Sidoo kale warbixintan ayaa lagu sheegay in magaalada Afgooye kaliya ay ka barakaceen illaa 300 Qoys, halka tuulooyinka Irdoole, Balbaley, Ballow, Jambaluul, Mareeray, Sabiib iyo Caanoole ay guryahooda ka baxeen illaa 1500 oo Qoys.
Waxa kale oo ay wasaaradda gargaarka shaacisay inay jirto cabsi ka taagan deegaanka Janaale iyo tuulooyinka Dagwariiri, Cadiimoole, Awdheegle, Waagaadi iyo Mishaani.
Halkan hoose ka aqriso:-
WARBIXINTA FATAHAADA DEEGANADA GOBOLKA SH/HOOSE
MUQDISHO, Soomaaliya, Sabti, 19
KA July 2020: Degmada Afgooye ee Gobolka Shabeelada Hoose iyo deeganada hoos
yimaada waxaa ku fatahay Wabiga Shabeele kaas oo saameeyn xoogan ku yeeshay Dad gaaraya 300 qoys oo ku nool
Degmadda xaafadaheeda sida Dhagaxtuur, Baalguri, Dooylaaw iyo Beerta Imaaraadka.
Sidoo kale qaar kamid ah tuulooyinka hoos yimaada degmada Afgooye sida Tuulooyinka Irdoole, Balbaley, Balow,
Jambaluul, Mareeray, Sabiib iyo Caanoole, ayaa waxaa ka barakacay qoysas gaaraya 1500 oo Qooys.
Sidoo kale waxa jira deegaano kale oo ka tirsan gobolka shabeelada hoose gaar ahaan deegaanada ku teedsan Deegaanka
Janaale kuwaas oo laga cabsi qabo in ay fataahad ka dhalato walow saameen u geeysatay roobka xagaaga ee hada da’aya.
Deegaanka Janaale ayaa isagana kamid ah meelaha laga cabsi qabo inuu wabigu ku soo fatahu , in kastoo ay jiraan xaafaddo
kamid ah deegaanka Janaale , Sida Xaafad Siimow iyo Xaafad Jadiid oo ay soo galeen biyo ka dhashay roobkii Xagaaga.
Waxaa kaloo jira tuulooyin ay saameysay Fatahaad uu sababay roobkii xagaaga iyo wabiga shabeelle oo heerkiisu sare u
kacay qooysas gaaraya 291 Qoys u soo barakacay Deegaanka Janale.
Intaa waxaa sii dheer tuulooyiin laga cabsi qabo inay wax yeelo kasoo gaaraan fatahaada iyo Daadadka, waxaa kamid ah
Tuulooyinkaan, Dagwariiri, Cadiimoole, Awdheegle, Waagaadi iyo Mishaani.
Saameynta Fatahaadda
- Fatahaada ayaa sameen balaaran oo ay ku yeelatay dalagii beeraha
- Waxaa guryahoodii ka hayaamay oo ka barakacay dad gaaraya 2,091 qoys oo ay saaameysay Fatahaada dadkaas oo u
baahan Hooy, Cunto, Biyo Nadiif iyo Caafimaad.
- Sidoo kale fatahaada ayaa saameyn balaaran ku yeelatay isa socodka Gaadiidka dadweynaha iyo Ganacsiga
Deegaanada ay saameysay Fatahaada.
Gobolka shabeeladda hoose Waxaa mara Wabiga Shabeele Kaas oo ay ku tiirsanyihiin Dadka iyo Duunyadda.
Xiliyadda Gu’ga iyo Deyrta ayaa marwaliba saameyn Ku yeesha Deegaanada ku teedsan Wabiga shabeele, deegaanadaas
ayaa inta badan fatahaada wabiga saameysaa, Dadka dagan Gobolka aan kor kusoo xusnay ayaa inta badan ku tiirsan tacabka
beeraha.
Dhammaan dhinacyada ka shaqeeya ka jawaabidda xaaladaha noocan ah ee isugu jira hey’adaha dowliga ah iyo kuwa gaarka
ah ee ka shaqeeya arrimaha gargaarka ayaa laga codsanayaa in ay sida ugu dhaqsiyaha badan u gargaaraan dadka u baahan
gargaarka ee ay fatahaadahani saameeyeen.
Wasaaradda Gargaarka iyo Maareynta Musiibooyinka waxey si dhaw ula socotaa xaaladda fatahaadda waxeyna idiin soo
gudbineysaa waxa soo kordha iyo sida ay isu baddesho xaaladda.
DHAMMAAD
